Saytdan foydalanish shartlari

1. Umumiy qoidalar

1.1. Ushbu Foydalanish shartlari (keyingi oʻrinlarda — «Shartlar») United Developers (keyingi oʻrinlarda — «Kompaniya») tomonidan cheklanmagan doiradagi shaxslarga unidevs.uz saytidan (keyingi oʻrinlarda — «Sayt») quyida bayon etilgan shartlarda foydalanish toʻgʻrisida kelishuv tuzish haqidagi ommaviy taklifdir.

1.2. Saytdan foydalanishni boshlash (sahifalarga kirish, formalarni yuborish) Oʻzbekiston Respublikasi Fuqarolik kodeksining 367–370-moddalariga muvofiq ushbu Shartlarni aksept qilish deb hisoblanadi. Shartlarga rozi boʻlmagan foydalanuvchi Saytdan foydalanishni toʻxtatishi shart.

1.3. Shartlarda tartibga solinmagan munosabatlarga Oʻzbekiston Respublikasi qonunchiligi qoʻllaniladi.

2. Predmet

2.1. Sayt foydalanuvchiga Kompaniyaning veb-saytlar va veb-servislar ishlab chiqish sohasidagi xizmatlari, portfoliosi va tariflari haqidagi maʼlumotlarga kirish hamda qayta aloqa formalari orqali murojaat yuborish imkonini beradi.

2.2. Saytda joylashtirilgan xizmatlar va tariflar haqidagi maʼlumotlar tanishish xarakteriga ega boʻlib, agar boshqacha koʻrsatilmagan boʻlsa, Oʻzbekiston Respublikasi Fuqarolik kodeksining 369-moddasi maʼnosida ommaviy oferta hisoblanmaydi. Xizmatlarning aniq hajmi, narxi va muddatlari Kompaniya va buyurtmachi oʻrtasida yozma shaklda tuziladigan alohida shartnomada belgilanadi.

3. Foydalanuvchining huquq va majburiyatlari

3.1. Foydalanuvchi Saytdan qonunchilikka va ushbu Shartlarga zid boʻlmagan shaxsiy va ishbilarmonlik maqsadlarida erkin foydalanishi mumkin.

3.2. Foydalanuvchiga taqiqlanadi: Saytning normal ishlashini buzishga qaratilgan harakatlar qilish; Saytning dasturiy va texnik vositalariga ruxsatsiz kirish; Kompaniyaning yozma roziligisiz avtomatlashtirilgan maʼlumot yigʻish vositalaridan (parsing, skreyping) foydalanish; Sayt formalari orqali qonunchilikni yoki uchinchi shaxslar huquqlarini buzuvchi maʼlumotlarni, jumladan zararli kodni joylashtirish; oʻzini boshqa shaxs sifatida koʻrsatish yoki bila turib notoʻgʻri maʼlumot taqdim etish.

3.3. Sayt formalari orqali maʼlumot yuborib, foydalanuvchi ularning toʻgʻriligini va Shaxsiy maʼlumotlarni qayta ishlash siyosatiga rozilik bildirganini tasdiqlaydi.

4. Intellektual mulk

4.1. Sayt va uning barcha elementlari (matnlar, tasvirlar, logotiplar, korporativ uslub, dizayn elementlari, dastur kodi, maʼlumotlar bazalari) Oʻzbekiston Respublikasining «Mualliflik huquqi va turdosh huquqlar toʻgʻrisida»gi Qonuni hamda intellektual mulk toʻgʻrisidagi boshqa qonun hujjatlari bilan himoyalanadi. Mutlaq huquqlar Kompaniyaga tegishli yoki u tomonidan qonuniy asoslarda foydalaniladi.

4.2. Sayt materiallarini koʻpaytirish, nusxalash, tarqatish, qayta ishlash, ommaga yetkazish hamda Kompaniyaning tovar belgilari va firma nomidan foydalanish uning oldindan yozma roziligisiz taqiqlanadi, bundan qonunchilikda bevosita nazarda tutilgan erkin foydalanish hollari (manbani majburiy koʻrsatgan va Saytga faol havola bergan holda iqtibos keltirish) mustasno.

5. Javobgarlik va uni cheklash

5.1. Sayt «boricha» (as is) taqdim etiladi. Kompaniya Saytning uzluksiz ishlashi va maʼlumotlarning dolzarbligini taʼminlash uchun oqilona choralar koʻradi, biroq texnik nosozliklar, xatolar va noaniqliklar yoʻqligini kafolatlamaydi.

5.2. Kompaniya quyidagilar uchun javobgar emas: Saytdan foydalanish yoki foydalana olmaslik natijasida yuzaga kelgan zararlar; uchinchi shaxslar, jumladan aloqa operatorlari va hosting-provayderlarning harakatlari; Saytda havolalari joylashtirilgan tashqi resurslarning mazmuni.

5.3. Ushbu Shartlardagi hech narsa Oʻzbekiston Respublikasi qonunchiligida cheklash taqiqlangan hollarda Kompaniya javobgarligini cheklamaydi.

5.4. Foydalanuvchi ushbu Shartlarni buzganligi va bunday buzish natijasida yetkazilgan zarar uchun Oʻzbekiston Respublikasi qonunchiligiga muvofiq mustaqil javobgar boʻladi.

6. Uchinchi shaxslar resurslariga havolalar

6.1. Saytda uchinchi shaxslar saytlariga havolalar boʻlishi mumkin. Kompaniya bunday resurslarni nazorat qilmaydi, ularning mavjudligi, mazmuni va maʼlumotlarni qayta ishlash siyosati uchun javob bermaydi. Bunday havolalarga oʻtish foydalanuvchining oʻz tavakkalchiligida amalga oshiriladi.

7. Shartlar va Sayt ishini oʻzgartirish

7.1. Kompaniya ushbu Shartlarni, shuningdek Saytning tuzilishi, mazmuni va funksionalligini oldindan ogohlantirmasdan bir tomonlama oʻzgartirishi mumkin. Shartlarning yangi tahriri Saytda joylashtirilgan paytdan kuchga kiradi.

7.2. Oʻzgarishlar kuchga kirgach Saytdan foydalanishni davom ettirish foydalanuvchining yangi tahrirga roziligini anglatadi.

8. Qoʻllaniladigan huquq va nizolarni hal etish

8.1. Ushbu Shartlarga va taraflar munosabatlariga Oʻzbekiston Respublikasining moddiy huquqi qoʻllaniladi.

8.2. Nizolar muzokaralar yoʻli bilan hal etiladi. Daʼvo tartibida murojaat qilish majburiy: daʼvo 9-boʻlimda koʻrsatilgan elektron pochta manziliga yuboriladi va oʻn besh ish kuni ichida koʻrib chiqiladi. Kelishuvga erishilmasa, nizo Oʻzbekiston Respublikasi protsessual qonunchiligiga muvofiq Kompaniya joylashgan yerdagi sudga taqdim etiladi.

9. Rekvizitlar va kontaktlar

United Developers, Oʻzbekiston Respublikasi, Toshkent sh., Qashqar koʻchasi, 25B.
Elektron pochta: sales@unidevs.uz; telefonlar: +998 78 147 00 08, +998 88 309 00 08.